Ymunwch â ni ar Dachwedd 5ed wrth i ni ddychwelyd i San Helen ar gyfer arddangosfa tân gwyllt ar thema ‘Noson yn y Ffilmiau’ ysblennydd!
Gatiau’n agor am 5pm gyda chroeso cynnes ar thema ffilm gan Fand Pres Penclawdd. Bydd adloniant cyn y sioe yn dechrau am 5.30pm a bydd yn cynnwys perfformwyr disglair, atyniadau a pherfformiadau ar thema ffilmiau.
Bydd llawer o’ch hoff gymeriadau ffilm yn ymweld â ni gan gynnwys Barbie, Spider-Man, Batman a’i Batmobile, Wonder Woman ac arwyr Star Wars fel Boba Fett a Darth Vader. Cadwch lygad hefyd am rai o drigolion Parc Jwrasig!
Bydd arwr lleol Kev Johns yno fel prif gyflwynydd y tân gwyllt a bydd yna hefyd chwiloleuadau arddull Hollywood yn goleuo’r gorwel ar yr hyn sy’n siŵr o fod yn noson i’w gofio!
Am 7:00pm, byddwn yn goleuo’r awyr gydag arddangosfa tân gwyllt syfrdanol mewn pryd i gerddoriaeth o’r ffilmiau.
Bydd bwyd, diod a byrbrydau arddull theatr ffilm ar gael i’w prynu yn ystod y digwyddiad gan ddetholiad o werthwyr bwyd ar y safle.
Tocynnau yn dechrau o £2 yn unig:
| Ar y Diwrnod | |
| Oedolion | £5 |
| Plant / Consesiwn* | £4 |
| PIH** | £3 |
| Teulu (2 Oedolyn a hyd at 3 consesiwn) | £15 |
*Plant 3 oed neu’n iau – am ddim
* Consesiwn: Plant dan 16 oed, dros 64 a myfyrwyr gyda cherdyn adnabod myfyriwr
** Bydd angen dangos cerdyn PIH ar y noson
| Amser | Gweithgaredd |
| 17:00 | Band Pres Pen-clawdd |
| 17:30 | Croeso |
| 17:35 | Perfformiad gan Anna ac Elsa a sgwrs |
| 17:45 | Perfformiad dawns |
| 18:00 | Cerddoriaeth o’r ffilmiau |
| 18:30 | ‘Singing in the rain’ wedi’i pherfformio gan Mellin Theatre Arts |
| 18:40 | Perfformiad goleuedig |
| 18:55 | Cyfrif yn ôl i’r tân gwyllt |
| 19:00 | Tân gwyllt |
| 19:20 | Band Pres Pen-clawdd |
| 20:00 | Diwedd |
*gall amserau newid
Bydd man gwylio hygyrch â staff yn San Helen a fydd â’i doiled ei hun i’r anabl. (does dim angen cadw lle ymlaen llaw)
Bydd toiledau eraill i’r anabl hefyd ar gael ar y safle.
Mae nifer cyfyngedig o leoedd parcio am ddim i’r anabl ar gael ger Parc Victoria drwy’r fynedfa ar Francis Street.
Dangoswch eich bathodyn glas i gael mynediad i’r ardal hon.
Mae tocyn am ddim i ofalwyr ar gael wrth ddangos cerdyn Hynt a gallwch ei archebu ymlaen llaw drwy ffonio ein swyddfa docynnau ar: 01792 475715
Sylwer, er bod y tir yn San Helen yn wastad, mae’n cynnwys graean neu laswellt felly gall fod yn fwy heriol i ddefnyddwyr cadeiriau olwyn.
Arddangosfa Tân Gwyllt Cyngor Abertawe Teithio a Pharcio
Cwestiynau Cyffredin am Arddangosfa Tân Gwyllt Cyngor Abertawe
