Cyflwynir gan Freckle Productions ar y cyd â Rose Theatre, yn seiliedig ar y llyfr gan Julia Donaldson ac Axel Scheffler.
Mae Zog, sy’n fawr o ran maint ac yn frwd ei natur, yn awyddus iawn i ennill seren aur yn ysgol Madam Dragon, lle mae dreigiau’n dysgu am bopeth y mae angen i ddreigiau ei wybod. Mae Zog yn ymdrechu’n galed iawn, efallai’n rhy galed, ac mae’n taro, yn llosgi ac yn rhuo ei ffordd drwy flwyddyn un, dau a thri. Yn ffodus, mae’r dywysoges ddewr, Princess Pearl, yn trin ei anafiadau fel ei fod yn barod i wynebu ei her fwyaf eto….gornest yn erbyn marchog, Syr Gadabout the Great!
Mae’r addasiad llwyfan hynod lwyddiannus gan Freckle Productions (y tîm a oedd yn gyfrifol am Zog and the Flying Doctors a Stick Man) yn ôl ac mae’n addo bod yn fwy, yn fwy disglair ac yn fwy aruthrol nag erioed o’r blaen! Gyda chaneuon bywiog gan Joe Stilgoe ac wedi’i chyfarwyddo gan Emma Kilbey, mae stori hynod boblogaidd Zog gan Julia Donaldson ac Axel Scheffler yn gynhyrchiad hudol i bob oed.
